Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Litteras amplissimae dominationis vestrae octavo Septembris Caesarea emanatas cum
appendice rerum Cisterciensium postridie exaltatae crucis seu 15. praedicti mensis
accepi constitutus in canonica Maisensi. (2) Et quidem de indictione generalis
capituli subsequente anno celebrandi in Cistercio legitime mihi insinuata et accepta
petitam attestationem hisce submitto; (3) ea vero, quae pro informatione
illustrissimi domini generalis[ERROR: no reftable :] illustrissimi ... generalis] Gemeint ist Generalabt
Claude Vaussin. ad praefata comitia dirigi
praecipiuntur, in praesens addere impossibile erat, quando et a monasterio absens et
in primo ac maximo vindemiationis aestu occupatissimus existo. (4) Spero proinde rem
hanc unius alteriusve septimanae moram -- F227r -- facile adhuc pati posse, quandoquidem
ab indicta Gallicana diaeta absumus integris adhuc septem mensibus. (5) Et sane (ut
ingenue fatear) ex indictionis contextu vix satis clare dispicio, quid demum ad
Cistercii mandram perscribendum sit, desiderans ab amplissima dominatione vestra
proxime paulo apertius erudiri.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|