492. An Abt Georg IV. Müller von Kaisheim [Stams], 3. Oktober 1666 Im Namen von Abt Augustinus Haas: Abt Haas hat den Brief seines Amtskollegen vom 8. September in Mais erhalten. Mit diesem Brief bestätigt er, vom anberaumten Generalkapitel in Kenntnis gesetzt worden zu sein. Die genauen Daten, die Abt Müller über das Kloster Stams braucht, kann Abt Haas im Moment nicht beibringen. Da das Generalkapitel erst in sieben Monaten beginnen wird, vermutet Abt Haas, dass diese Daten noch ein bis zwei Wochen warten können. Zudem müsste Abt Haas noch wissen, welche Daten genau Abt Müller interessieren. Der Meinung, die Oberdeutsche Kongregation brauche keinen Generalprokurator, stimmt Abt Haas nicht zu, vielmehr will er von den ursprünglichen Einrichtungen, die auch vom Papst bestätigt wurden, so wenig wie möglich abrücken. Ohne Generalprokurator werden auch keine Nationalkapitel einberufen, die dringend nötig wären. P.S.: Urkunde, in der Abt Haas bestätigt, von Abt Müller über die Einberufung des Generalkapitels informiert worden zu sein. Ad abbatem Caesariensem, 3. Octobris 1666, nomine reverendissimi. Reverendissime et amplissime praesul, observandissime domine domine

(1) Litteras amplissimae dominationis vestrae octavo Septembris Caesarea emanatas cum appendice rerum Cisterciensium postridie exaltatae crucis seu 15. praedicti mensis accepi constitutus in canonica Maisensi. (2) Et quidem de indictione generalis capituli subsequente anno celebrandi in Cistercio legitime mihi insinuata et accepta petitam attestationem hisce submitto; (3) ea vero, quae pro informatione illustrissimi domini generalis[ERROR: no reftable :] illustrissimi ... generalis] Gemeint ist Generalabt Claude Vaussin. ad praefata comitia dirigi praecipiuntur, in praesens addere impossibile erat, quando et a monasterio absens et in primo ac maximo vindemiationis aestu occupatissimus existo. (4) Spero proinde rem hanc unius alteriusve septimanae moram

-- F227r --

facile adhuc pati posse, quandoquidem ab indicta Gallicana diaeta absumus integris adhuc septem mensibus. (5) Et sane (ut ingenue fatear) ex indictionis contextu vix satis clare dispicio, quid demum ad Cistercii mandram perscribendum sit, desiderans ab amplissima dominatione vestra proxime paulo apertius erudiri.

(6) Circa consilium viri illius gravis et docti in congregatione nostra vicarium generalem necessarium non esse arbitrantis, quid sentiam, vix edicere possum, nisi quod existimem a prima harmonia, sub qua congregatio nostra Germanica olim instituta[ERROR: no reftable :] congregatio ... instituta] Die Oberdeutsche Kongregation wurde 1618 offiziell gegründet. est, sine gravi admodum ratione recedendum vix esse, praesertim cum et ipsis pontificibus summis (Urbano VIII. et Innocentio X.) eandem confirmantibus placuerit illam a peculiari capite, quod praesidis nomine intitularunt, gubernandam esse. (7) Accedit, quod in defectum generalis vicarii capitula nationalia prorsus expiratura videantur, quorum tamen necessitas semper ut evitetur, humanitus vix credibile est. (8) Interea autem nolim in hoc puncto quidquam praeiudicare, sed aliorum perspicacioribus oculis et iudiciis meum submitto manens etc.

P.S.: (9) Nos, pater Augustinus monasterii beatae Mariae et sancti Ioannis Baptistae in Stambs, nullius in Brixinensi dioecesi, sancti ordinis Cisterciensis, dispositione divina abbas, praesentium serie attestamus a reverendissimo et amplissimo domino domino Georgio, imperialis ac liberi coenobii beatae virginis Mariae de Caesarea antistite et praefati Cisterciensis ordinis per provinciam Suevicam vicario generali etc. indictionem capituli generalis mense Maio anni proxime secuturi in Cistercio celebrandi nobis legitime insinuatam et in authentica

-- F227v --

copia rite communicatam fuisse postridie exaltatae crucis seu decimo quinto Septembris die. (10) In cuius rei fidem ac robur praesentem attestationis chartam manu propria subscripsimus et sigillo nostro abbatiali munivimus, in aede nostra canonica Maisensi, Octobris anno 1666.