Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
491. Stephani an Abt Augustinus Haas in Mais
[Stams], 2. Oktober 1666
Der vom Alter bereits gekennzeichnete Thomas von Schauenstein hat angefragt, ob er
für 2400 Gulden im Kloster Stams verpflegt werden kann. Stephani hat die Sache vor
den Konvent gebracht, der der Aufnahme unbedingt zustimmt. Im Rahmen des letzten
Aderlasses hat der Arzt Thomas von Schauenstein gesehen, und auch er glaubt nicht,
dass er noch lange leben werde. Wie auch immer, sollte man sich dieses Geld nicht
entgehen lassen. Monatliche Zahlungen der Familie sowie spätere Begräbniskosten sind
außerdem zu berücksichtigen.
Ad abbatem in vindemiis constitutum, 2. Octobris 1666.
Reverendissime in Christo pater, observandissime domine domine
(1) Circa ineundum contractum alimentationis praenobilis domini Thomae de
Schauuwenstain seniores et saniores de conventu una cum officialibus in consilium,
ut iussus eram, vocavi perceptisque singulatia eorum votis ac suffragiis unanimis
omnium et concors sensus fuit (cui et ego adstipulor) oblatam 2400 florenorum
pensionem omnimodis acceptandam esse, utpote in evidens monasterii emolumentum
cessuram, siquidem (praeter alias rationes pluras) indicia in praedicto nobili
domino iam quasi aperta praenuntiant ipsum haud diu incolam fore super terram,
quippe cuius interna vitalium partium harmonia iam graviter sit destructa ac ruinae
totali vicinior. (2) Et sane medicus noster cum nuper phlebotomiae nostrorum
interesset, viso Thoma coniecturavit et in aurem aliis dixit illum propediem iam
parturire phthisin. (3) Sed quidquid sit de eius vita breviore vel longiore, quae in
manu Dei est, censeo istam contrahendi occasionem minime repudiandam esse, tum quod
tota provisionis summa in pari et quidem aurea moneta monasterio numeranda
spondeatur, tum -- F226v -- etiam, quod plus quam certum sit de isthoc capitali bonam
partem nobis olim in salvo et lucro permansuram. (4) Quodsi a praenobili illius
familia quingenti adhuc extorqueri possent, de quorum annuo censu ipsi Thomae
hebdomadatim dimidius florenus cederet, summa vero post eius mortem in sepulturam et
exsequias impenderetur, apprime utique monasterio nostro consultum foret, sed vix
sperandum est auctarium istud ab altera parte obtineri posse, quo etiam non obtento
existimem reverendissimam pietatem vestram primae accordationi omnino acquiescere
posse nec ullum coenobii damnum pertimescendum. (5) Atque his reverendissimam
paternitatem vestram supernae protectioni animitus commendo. (6) Dabam 2. Octobris
etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|