Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(4) Frater Godefridus Caesariensis biduum vel triduum gravi catarrho laboravit, quem
cum praesciret maiorum futurarum infirmitatum esse praenuntium, licentiam a me
petiit medicum nostrum adeundi, qui post rigorosam naturae et affectuum eius
examinationem bonum fratrem variis complicatisque pessimis affectibus laborantem
deprehendit, quibus relevandis curam 14 pluriumve dierum cum quottidiana medici
praesentia inevitabiliter necessariam pronuntiavit, quam proinde crastina luce
dictus frater Oeniponti auspicabitur promittens hanc suam curam et medicationem
monasterio nostro nihil constituram, sed omnes sumptus integra -- F225v -- fide ex
Caesarea refundendos, quod an et quo modo inter alia futura contingentia implendum
sit, superi norunt, quorum tutelae reverendissimam paternitatem vestram devotius
commendo pinguem et uberem vindemiam ex animo apprecans ex Stambs etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|