(1) Rite accepi reverendissimae et amplissimae dominationis vestrae epistulam reformationis generalis in ordine nostro propediem introducendae praecipua capita nuntiantem, pro quorum communicatione debitas grates habeo. (2) Ceterum quid inde difficultatum, ne dicam, turbarum exoriturum sit, praesertim si religiosis transmigrationes permittantur, eminus iam coniectare pronum est. (3) Perfecta vitae communitas ac uniformitas in tanta rerum omnium ac monasteriorum discrepantia et inaequalitate optari quidem, attingi vero et obtineri, ut valeat, vix putem possibile.