483. An Abt Ferdinand Wenzel von Marienberg Stams, 20. März 1666 Im Namen von Abt Augustinus Haas: Vor vier Tagen kam Pater Placidus Schidegger aus Marienberg nach Stams, wo er von Abt Haas erbat, er möge sich bei Abt Ferdinand Wenzel dafür einsetzen, dass er ein Benefizium im Gebiet von Marienberg erhalte oder in ein anderes Kloster außerhalb der Schwäbischen Kongregation eintreten dürfe. Also bittet Abt Haas seinen Kollegen um diese Gunst. Vom Einsatz Schideggers als Pfarrer rät er jedoch ab, zu viele Gefahren lauerten außerhalb der Klostermauern. Nichts spreche hingegen gegen ein anderes Benediktinerkloster. Auch den Eltern Schideggers könnte man so von einigen Sorgen befreien. Ad abbatem Marienbergensem, 20. Martii 1666, nomine reverendissimi. Reverendissime et amplissime domine praesul Praeter affectuosam salutem, officia mea paratissima

(1) Quatriduum circa est, cum ad monasterium meum divertit inopinatus hospes, de gremio Mariae-Montano alumnus, pater Placidus Schidegger, qui cum miseram suam vivendi conditionem, qua pro tempore uteretur, mihi pluribus exposuisset, infimis precibus a me poposcit, quatenus apud amplissimam dominationem vestram pro ipso intercessor existerem pro obtinenda licentia et legitima facultate vel parochiale aliquod beneficium in districtu Mariaebergensi administrandi vel certe aliud quoddam ordinis coenobium (extra tamen Suevicam congregationem) adeundi, in eoque stabiliendi, ubi residuum annorum suorum Dei servitio ac saluti suae cirandae tranquille et secure impendere posset. (2) Equidem tam iustis precibus expugnatus continere calamum non potui, quin amplissimae dominationis vestrae benevolentiam brevi hac epistula interpellarem,

-- F222r --

studiosius rogitando, ut siquid intercessio mea ac primae preces apud eandem valere possint, erranti oviculae paternum sinum aperire ac postulatis eius benigne condescendere non dedignetur. (3) Ut parochum in saeculo agat, non consulo, mille enim periculis talis vita obnoxia est, ut vero in aliena ordinis domo bene morata et de regulari disciplina non male audiente stabiliat, rem iudico consultissimam ac rectae rationi prorsus consentaneam. (4) Cum enim praedictus pater humanum aliquid patiens proprium professionis domicilium repetere iustas ob rationes formidet, quid interest, si in alia Benedictinorum familia salutem suam operari possit, quando ubique sub uno domino aequalem servitutem baiulamus et uni regi in omni loco militamus? (5) Placeat igitur, oro, amplissimae dominationi vestrae Placidum suum exaudire eique desideratam hanc licentiam aequitati minime difformem benevole elargiri, quo tam monasterio Mariae-Montano suus constet honor, quam etiam parentes dicti Placidi curis et anxietatibus demum eximantur. (6) Atque his in spe gratificationis obtinendae finio meque ad reciproca offica amplissimae dominationi vestrae offero et commendo. (7) Ex coenobio sancti Ioannis in Stambs pridie festivitatis sancti Benedicti seu vigesimo Martii 1666.