480. An Abt Georg IV. Müller von Kaisheim Stams, 26. Januar 1666 Im Namen von Abt Augustinus Haas: Abt Haas antwortet auf zwei Briefe, die er aus Kaisheim erhalten hat und in denen der nun schon betagte Abt Müller von den Problemen erzählt, die ihm täglich bereitet werden. Mit Gottvertrauen wird er auch aus dieser Situation finden. Bruder Gottfried hat sich bis jetzt in keiner Weise als störend erwiesen, außer dass er etwas geschwätzig ist. Er ist ein Freund der philosophischen Bildung und ganz und gar mit seinen Studien beschäftigt. Wie jedes Jahr wird Stephani auch in diesem Jahr wieder zwei Fässer Wein nach Kaisheim schicken. Der verstorbene Kaisheimer Bruder Jakob sowie eine Nonne aus Schönfeld werden betrauert werden, wie es üblich ist. Ad abbatem Caesariensem, 26. Ianuarii 1666, nomine reverendissimi. Reverendissime in Christo et amplissime praesul, honoratissime et observandissime domine domine

(1) Binas iam reverendissima amplitudo vestra e sua Caesarea spatio trium quattuorve hebdomadum ad me direxit. (2) Alteras accepi festo sancti Ioannis evangelistae [ERROR: no reftable :] sancti ... evangelistae] 27. Dezember. ipso momento, quo in procinctu eram itineris versus Oenipontum capessendi, alterae vero hesterna ad me pervolarunt, utraeque materiem condolendi ministrantes, quippe quae aliud non nuntient quam diras calamitates,[ERROR: no reftable :] diras calamitates] Vgl. >Primisser cap. 43 § 12 Caesareae contigit mense Decembri, ut decem omnino monachi ad fugam conspirarent. Iam simul omnes fugerant seque ad Ebracense coenobium transire finxerant. A magistratu tamen eiusdem oppidi tenti atque Caesaream remissi, a praesule tamen ob inquietos eorum mores minime recepti, sed in diversa coenobia sunt dispersi. Ex quibus unum, Godefridum diaconum, Stamsenses suscipere cogebantur. Qui tamen, ne otio magis adhuc perverteretur, studio theologiae una cum nostris iunioribus admotus est docente Tobia Zigelio. quibus reverendissima amplitudo vestra in suae aetatis umbilico et senio intus forisque impetitur, nimis quam verum experta inimicos hominis esse domesticos eius. (3) Verum providentissimus Deus, qui amplissimae dominationi vestrae gratiam sufferendi impertit, potenti sua dextera etiam miserias hasce atque pericula propulsabit ac post nebulas serenum infundet.

(4) Fratrem Godefridum pauculis, quas inter meos hucusque exegit, septimanis nondum deprehendi vel superiorum iussa detrectantem vel caritatem meorum turbantem neque etiam aliud quidpiam in eo peculiaris vitiositatis adverti, nisi quod fere aequo liberior sit in loquendo et in sensu proprio pertinacior. (5) Alias illud valde commodum accidit, ut eo tempore ad monasterium meum dirigeretur, quo scholastica theologia actualiter traditur et docetur, quia enim

-- F220r --

ille litterarum amans est et avidus, tot iam paene theologicis speculationibus se immergit non solum calamo excipiens ea, quae in praesens a professore dictantur, verum etiam anteriores materias privata decerptione comportans, sicque eundem tanto facilius quietem et pacem servaturum spero, quo studiis ac lectionibus amplius est implicitus.

(6) Quod sponsioni meae de transmittendo vitis nostrae rubro et albo germine reverendissima amplitudo vestra ultro cedat meque a fide data liberum cupiat, sane hac vice gratanter accepto, quando sterilior autumnus doliis nostris haud adeo feliciter impluit. (7) Confido tamen me hoc vini nostratis xenium altero anno, si Deus ac coelum faverint, et in qualitate et in quantitate compensaturum.

(8) Animam pii fratris vestri Iacobi, sicut et devotam sanctimonialem ex inferiore Specioso Campo ad hortos Elysios translatam consuetis in ordine suffragiorum sportulis lubentes donabimus. (9) Propitium Numen interea reverendissimam et amplissimam dominationem vestram pacatis temporibus et copiosis consolationibus beare dignetur! (10) Dabam ex Stambs vigesimo sexto Ianuarii anno salutis 1666.