Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Quid obsequiorum praestiterit venerabilis conventus noster oviculis admodum
reverendae dominationis vestrae curae commissis in Riez anno 1662 et 1663, nondum,
credo, admodum reverendae et clarissimae dominationi suae exciderit, de quibus grato
animo quandoque repensandis, cum toties promistionem acceperim, praeterire -- F219r --
non possum, quin istius memoriam refricando admodum reverendae et clarissimae
dominationis suae aurem desuper modeste vellicem. (2) Neque enim adducor, ut credam
labores nostros, quos per aliquantos menses in vinea praefatae ecclesiae Riezensis
locavimus, spongia oblivionis iam penitus esse expunctos.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|