479. Stephani an Dekan Franz Oberberger von Telfs [Stams], 28. Dezember 1665 1662 und 1663 haben Geistliche aus dem Kloster Stams für den Dekan die Seelsorge in Rietz übernommen. Dekan Oberberger hat dafür noch nicht bezahlt. Stephani hofft, dass es Dekan Oberberger nicht vergessen hat: 1662 lag er krank in Hall, während auch sein inzwischen verstorbener Kooperator an Fieber litt. Wieviele Messen die Stamser in der Zeit zwischen Ostern und Juli lesen mussten, kann Stephani nicht mehr sagen. Im Jahr 1663 waren es gezählte 17 Messen, davon sieben mit Festpredigt. Weil Stephani gehört hat, dass der Dekan nur darauf wartet, bis er einen Preis nennt, setzt er diesen nun auf neun Dukaten fest. Vorbild ist die Vertretung vor neun Jahren für Johannes Heisler, den Dekan von Telfs, der für drei oder vier Monate 46 Gulden bezahlte. Ad dominum decanum in Telfs Franciscum Oberperger anno 1665, 28. Decembris. Admodum reverende, nobilis et clarissime domine decane

(1) Quid obsequiorum praestiterit venerabilis conventus noster oviculis admodum reverendae dominationis vestrae curae commissis in Riez anno 1662 et 1663, nondum, credo, admodum reverendae et clarissimae dominationi suae exciderit, de quibus grato animo quandoque repensandis, cum toties promistionem acceperim, praeterire

-- F219r --

non possum, quin istius memoriam refricando admodum reverendae et clarissimae dominationis suae aurem desuper modeste vellicem. (2) Neque enim adducor, ut credam labores nostros, quos per aliquantos menses in vinea praefatae ecclesiae Riezensis locavimus, spongia oblivionis iam penitus esse expunctos.

(3) Anno quidem [16]62, cum admodum reverenda dominatio vestra Halae lethaliter decumberet et ipse etiam reverendus dominus Ioannes piae memoriae cooperator magnis febribus teneretur, determinato et praeciso numero singulas sacras functiones, quas Riezensibus exhibuimus, significare nequeo, generatim tamen asserere possum a paschate usque ad mensem Iulium maiori parte dominicarum et festorum divina mysteria in Riez per nostros sacerdotes fuisse celebrata.

(4) Anno vero [16]63 conventuales nostri in praedicta ecclesia decem et septenis vicibus sacra peregere, decies cum verbi divini praedicatura et septies sine peroratione. (5) Porro compensationem pro utriusque anni praestita opera arbitrio admodum reverendae dominationis vestrae, quae eiusmodi ecclesiasticos labores optime aestimare novit, libens remitterem, quia tamen iam aliquoties inaudivi a me exspectari proclamationem stipendii, existimem aequitatis et moderationis leges me non excessurum, si novem ducatos exegero.

(6) Alias memini ante novennium, cum admodum reverendo domino Ioanni Heisler, bonae memoriae parocho et decano Telfensi, similem operam impendissemus, per tres vel quattuor menses divinis officiis in Riez perfuncti pro laborum mercede nobis ab eodem 46 florenos fuisse repensos. (7) Interim dum spero modestae huic petitioni nostrae admodum reverendam et clarissimam dominationem vestram non refragaturam, finio litteras

-- F219v --

atque eidem dominationi suae cum proxime ineuntis novi anni felici auspicio omnem prosperitatem precor.