(1) Vixdum nuper defunctum nostrum patrem Severinum[ERROR: no reftable :] patrem Severinum] Pater Severinus Frickinger ist am 1. September 1665 verstorben. tumulo intulimus, cum mox alterum de turba sacerdotum nostrorum mortis truculentia amisimus, patrem Eugenium Eyperger, aetatis annos 51 numerantem. (2) Mortuus is est 11. Septembris sub octavam antemeridianam catarrho cum apoplexia mixto suffocatus, cuius anima in sancta Christi pace aeternum quiescat. (3) Praefuit is 15 annis officio pistrinatus, conventui nostro a confessionibus per annos 19, organoedus vix ulli secundus. (4) Et licet fato admodum celeri ac inopinato abreptus fuerit (pridiana etenim nocte sanus et incolumis lectum inscenderat), ut vix unctione suprema muniri potuerit, nihilominus tamen optime de eius salute speramus credentes cum sancto Augustino male mori non posse, qui bene semper vixit. (5) Religiosus fuit probatae conversationis, humilis in oculis suis, nemini onerosus, verus Israëlita, in quo dolus non erat. (6) Quia vero oculi domini sole lucidiores etiam atomos delictorum perspiciunt ac longe a cogitationibus nostris distant divina iudicia, siquae forsitan Eugenio nostro

maculae de terrenis contagiis adhaerescant expiatoriis cruciatibus eluendae, speramus eas per reverendissimae amplitudinis vestrae suique religiosissimi collegii sanctas preces ac suffragia bonam partem fore emundandas.