Philologic Results

475. An Abt Georg IV. Müller in Kaisheim Stams, 8. September 1665 Im Namen von Abt Augustinus Haas: Musste man vor kurzem noch für eine verstorbene Nonne in Himmelspforten beten, ist man jetzt selbst von Todesfällen betroffen: Pater Severinus Frickinger ist verstorben. Abt Haas bittet um das entsprechende Gebet in Kaisheim. Als Abt Haas vor kurzem in Wien war, wunderte er sich zusammen mit den Äbten von Lilienfeld und Heiligenkreuz, dass man aus Italien und Frankreich nichts mehr über die Situation des Ordens hört. Gemeinsam hofften sie, dass sich im Verborgenen nichts Böses entwickelt.

-- F216r --

Ad abbatem Caesariensem, 8. Septembris 1665, nomine reverendissimi. Reverendissime et amplissime praesul, domine domine observandissime

(1) Quas abhinc octiduo defunctae in Caeli-Porta moniali spiritualium suffragiorum sportulas spopondimus persolvendas,[ERROR: no reftable :] quas ... persolvendas] Zum Tod dieser Nonne vgl. ep. 473,7. easdem nunc et ipsi emendicare compellimur, siquidem etiam nostrum gregem invasit lupus rapax, truculenta mors unam ex ovibus depasta. (2) Mortuus nempe est ex affectu pulmonico pater Severinus Frikinger ipsis huius mensis Kalendis, media prima a meridie, annum aetatis 33. non excedens, omnibus ecclesiae sacramentis a se petitis rite obarmatus. (3) Fuit usque ad ultimum horae semiquadrantem sibi praesentissimus ac tam linguae quam rationis usu praeditus, nihil nisi spirituale sibi occini cupiens. (4) De cuius, sicut optima dispositione, ita etiam felici ac beata consummatione plurimam in domino fiduciam habemus. (5) Quia tamen alia longe sunt Dei quam hominum iudicia, siquae eius animae adhuc fragilitatis labeculae ultricibus expiandae flammis, adhaereant (quis nam est, qui non aliquando supra fundamentum fidei aedificet ligna, faenum, stipulam et paleas?) devotionis ac pietatis suffragiis, quae ab amplissimae dominationis vestrae religiosissimo coetu defuncto nostro expetimus, brevi expungendas confidimus.

(6) De statu ac rebus ordinis nostri tam diu iam obmutescere Gallos ac Romanos mecum satis demirari non possunt reverendissimi domini abbates Campi-Liliorum [ERROR: no reftable :] Campi-Liliorum] Gemeint ist Abt Matthäus Kolweiss. et Sancti Crucis, quorum faciem nuper videre ac suavi eorum frui alloquio Viennae mihi datum est. (7) Avertat propitium

-- F216v --

Numen, ne sicut communicatio et commercium litterarium omnino iam flaccet, ita etiam ipse sensim religionis nostrae spiritus tacitis decrementis tepescat! (8) Finio ac reverendissimae amplitudini vestrae et toti suae Caesareae omnem prosperitatem animitus exopto. (9) In Stambs festo natae magnae Virginis die seu 8. Septembris.