(1) Transmissae nuper aquae laxatrivae primam dosim hausit pater Severinus [ERROR: no reftable :] pater Severinus] Gemeint ist Pater Severinus Frickinger, der am 1. September 1665 verstarb (vgl. Album Stamsense Nr. 463). noster 29. Augusti bina exinde evacuatione gavisus atque levaminis quidpiam, ut sibi videbatur, persentiscens, residuam vero partem ex praescripto sumpsit ultima eiusdem Augusti, quae et ipsa unam aut alteram alvi exonerationem operata est, nihilo tamen aegrotum erexit, quando is postera die totum suum corpus evacuavit animam exhalando. (2) Mortuus nempe est bonus pater Severinus primo die Septembris media prima a meridie omnibus ecclesiae sacramentis a se petitis rite obarmatus. (3) Usque ad ultimam horae semiquadrantem sibi praesentissimus ac tam linguae quam rationis usu praeditus fuit, nihil nisi spirituale sibi occini cupiens. (4) De cuius sicut optima dispositione, ita etiam felici ac beata consummatione plurimam in domino fiduciam habemus. (5) Quae excellentiae vestrae breviter ac volante penna significanda duxi.