Welcome to PhiloLogic |
home | the ARTFL project | download | documentation | sample databases | |
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
472. Stephani an Abt Augustinus Haas in Wien
Stams, 1. August 1665
Aus dem Brief, den Herr von Wolfsthurn überbracht hat, sieht Stephani, dass Abt Haas
gut in Wien angekommen ist, hofft aber auf dessen baldige Rückkehr. Der Pater
Professor ist nach Marienberg gegangen, an dessen Stelle Pater Michael Franzin nach
Stams kam, der sich bisher ganz wohl fühlt. Der Subprior wurde während einer Reise
nach Hall von einer Krankheit befallen und muss dort das Bett hüten. Pater Michael
Franzin hat erzählt, dass vor etwa 14 Tagen im Venostatal ein so schweres Gewitter
wütete, dass allein Maximilian Trapp 6000 Gulden verlor. Die Köchin des Klosters ist
verstorben, der Richter kam kanpp mit dem Leben davon und hat jetzt wieder Hoffnung
auf Besserung.
(1) Communicatione litterarum domini de Wolfsthurn laetabundus accepi reverendissimam pietatem vestram cum suo illustri comitatu a periculis fluminum illaesam atque incolumem appulisse Viennae ibidemque satis commodum nactam esse domicilium. (2) Faxit Deus, ne illud diu incolere cogatur, sed rebus bene gestis brevi iterum patrios lares revisere valeat! (3) Patrem professorem nostrum destinato die ad coenobium Mariae-Montis ablegavi, cuius vice et loco ad nos remissus est pater Michael Franzin, quem hactenus diebus paucis, quibus nobiscum est, sat bene contentum vidi consuetudine loci nostri, eius vero societate et affectu etiam pater Alanus nunc aliquantum recreatur. (4) Patri subpriori nostro in vacationibus excursum quendam versus Schwazium ambienti inopinato Deus insuetas compedes iniecit, siquidem illo eodem die, quo reverendissima pietas vestra apud nos ratem conscendit, ipse grabatum petiit correptus a podagra, qua hodieque adhuc laborat mihi exinde non modicas molestias facessens. (5) Praenominatus pater Marienbergensis primo, quod cum ipso sumpsi, prandio retulit ante dies circiter 14 tempestates et grandinem in Valle Venusta admodum graviter saeviisse, ut soli domino comiti Maximiliano Trapp damnum aestimationis sex millium florenorum intulerint et vicum Eyrs paene dimidium aquarum aluvies inundarit. (6) Coqua familiae nostrae (quod reverendissimae pietati vestrae dominus de Wolfsthurn forsitan iam perscripserit) tandem vitam suam in senectute bona finivit in profesto sancti Iacobi apostoli[ERROR: no reftable :] sancti Iacobi apostoli] 25. Juli 1665. tumulata. (7) Cuius vestigiis prope aberat, ut insisteret, si non praeiret, iudex noster, qui superiore septimana convulsionibus analepticis (quas vulgo daß vergicht vocitamus) adeo terribiliter exagitatus est, ut lucido aliquo intervallo apparente mox sancto viatico et unctione extrema muniri debuerit cunctis, qui eam viserent, non aliud quam in omnem paene horam animae exitum praestolantibus. (8) Remisit tamen nunc (convulsionibus desinentibus) paulatim infirmitas, ita ut aliqua spes revalescentiae affulgeat. (9) Clementissimus Deus nos omnes sua protectione benigne custodiat, maxime vero reverendissimam pietatem vestram peregrina nunc aura et aëre utentem in sua sanitate confirmet! (10) Ita vovi ex Stambs die sancti Petri ad vincula seu 1. Augusti.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae]. |