(1) Litteras meas de mense Septembri[ERROR: no reftable :] litteras ... Septembri] Gemeint ist ep. 459, in der Abt Haas den Prokurator darum gebeten hat, er möge sich bei Papst Alexander VII. dafür einsetzen, dass das siebenjährige Privileg des Blutaltares durch eine Bestätigung in ein ewiges Privileg umgewandelt wird. una cum originali

bulla altaris privilegiati a moderno felicissimae gubernationis pontifice Alexandro VII. monasterio meo gratiose concessa, quin reverendissima et amplissima dominatio sua rite acceperit, vix sum dubius. (2) Ad quas quidem responsum aliquod hactenus desiderio desideravi ac etiamnum indies praestolor. (3) Cum enim ultimum illud breve, quod in authographo remisi, iam mense Novembri exspiraverit, ne animae fidelium piacularibus flammis addictorum diutius tam salubri suffragiorum remedio destituantur aut piorum hominum devotio imminuatur, iterata instantia reverendissimam et amplissimam dominationem vestram rogo, totis viribus in id incumbere dignetur, quatenus nova bulla brevi rursum donemur eaque per omnia ad stilum prioris formata, pro singulis scilicet diebus et nominatim ad aram in sacello corporis Christi existentem. (4) Quodsi expeditio haec in secretaria brevium forte difficilis sit et moram temporis adhuc longiorem deposcat, libeat interim reverendissimae et amplissimae dominationi vestrae saltem aliquot lineolis proxime certiorem me reddere, quid spei hoc in negotio concipere possim. (5) Id dum exspecto, reverendissimam et amplissimam dominationem vestram supremi Numinis favoribus commendo et multos apprecor annos. (6) Dabam ex monasterio meo Stambsensi etc.