Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
456. An Abt Georg IV. Müller von Kaisheim
[Stams], 8. April 1664
Im Namen von Abt Augustinus Haas: In seinem letzten Brief hat Abt Müller von zwei
Geistlichen aus der Abtei Lilienfeld hingewiesen, die er in Kaisheim aufgenommen
hat, da sie fliehen mussten. Um sie zu versorgen, sucht Abt Müller nun ein
Benefiziat, eventuell in Tirol. Jedoch dürfen alle Stams inkorporierten Benefizien
nur mit Weltgeistlichen besetzt werden mit Ausnahme von Mais, das aber schon
ausreichend besetzt ist. Durch Brixen ein anderes Benefizium in Tirol zu bekommen,
scheint ausgeschlossen. Sobald etwas frei wird, will Abt Haas die beiden Priester
bedenken, was er auch ihrem Abt [Matthäus Kolweiss], geschrieben hat. In Stams
selbst ist kein Platz, da es so viele Mitglieder wie noch nie gibt und die letzte
Ernte sehr knapp ausgefallen ist.
Ad eundem, 8. Aprilis 1664, nomine reverendissimi.
Reverendissime et amplissime praesul, observandissime domine domine
(1) Ex ultimis reverendissimae amplitudinis vestrae intellexi, de duobus
Campi-Liliorum sacerdotibus, quos reverendissima amplitudo vestra non ita pridem in
convallem suam Caesariensem exceperat, alterum non tantum propria exilii sui miseria
premi, verum etiam parentis suae viduae inopia et lamentis -- F204v -- angariari, ad
cuius sublevationem beneficiatum agere gestiat, quod cum in partibus Sueviae
obtinere non possit, in montibus nostris nancisci intendat. (2) Sed nunc ut paucis
edicam, quos res est, parochiae, quae monasterio meo incorporatae sunt eique propius
circumiacent, eius sunt conditionis, ut non nisi per sacerdotes saeculares provideri
possint vi ipsiusmet fundationis, adeo ut nec ex gremio mei coenobii religiosum
aliquem in ulla illarum instituere valeam. (3) Sola paroecia Maisensis a penatibus
nostris remotior id peculiare habet, ut per regulares personas ordinis eam
inofficiare liceat, sed haec sufficienter per trinos domus nostrae professos provisa
est, et redditus illius quartum non capiunt. (4) Ut vero alibi locorum in Tyroli
nostra beneficium quoddam a dioecesano adipiscatur, tantum abest, ut sperare ausit,
ut Brixinenses nostri potius regularibus beneficia undecumque obtenta eripere, quam
ultro conferre soleant. (5) Ceterum ut praedicto patri quousque parochia aliqua
vacare incipiat, interim stationem inter meos coenobitas assignem, id pro tempore
virium mearum non est ex causis, quas ipsimet reverendissimo domino Campililiensi
[ERROR: no reftable :] domino
Campililiensi] Gemeint ist Abt Matthias Kolweiss von
Lilienfeld. perscripseram. (6) Nam praeterquem quod
religiosorum meorum numerus hac tempestate auctior sit, quam a 40 retro vel 50 annis
umquam fuerit, messis proxime praeterita apud nos admodum curta et arcta fuit, ut
conventui familiaeque alendis erogandisque ex fundatione eleemosynis usque ad
futuras aristas vix suffectura metuatur. (7) Veniam ergo mihi dandam spero, quod
postulatis obsecundare non possim. (8) Reverendissimam amplitudinem vestram, cui me
commendo, cum omnibus suis altissimus clementer tueri velit ac semper protegere.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|