Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(3) Ceterum quod ad monasterii mei solitudinem quasi litus securum et anchoram
reverendissima amplitudo vestra unum alterumve suorum ingravescente periculo
destinare intendat, equidem ex vinculo religiosae caritatis antiquo ordinis foedere
ad aperiendam hospitalitatis ianuam tam me obligatum quam promptum paratumque libens
ostenderem, nisi vires accisae essent. (4) Nam praeterquam quod religiosorum meorum
numerus hoc temporis auctior sit, quam a triginta retro vel quadraginta annis umquam
fuerit, messis proxima praeterita apud nos admodum curta et arcta fuit, ut conventui
familiaeque alendis usque ad futuras aristas vix suffectura timeatur. (5) Addo iam
alios etiam praesules in eventum pro hospitii gratia sese insinuasse, quos inter
reverendissimus dominus abbas Caesariensis,[ERROR: no reftable :] reverendissimus ... Caesariensis]
Gemeint ist Abt Georg IV. Müller von Kaisheim. qui ut
monasterii mei visitator ex antiquo paternitatis iure propius me contingit, ita prae
omnibus aliis divertendi libertatem sibi deposceret.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|