Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
452. An Abt Georg IV. Müller von Kaisheim
Stams, 31. Dezember 1663
Im Namen von Abt Augustinus Haas: Abt Haas war nun lange Zeit durch die Belange des
Landes und des Klosters beschäftigt, weswegen der Briefverkehr etwas ruhte. Abt
Müller ist sicherlich durch die bevorstehenden Versammlungen in Regensburg
beschäftigt, wo es um die Türkenbedrohungen gehen soll. Abt Haas wünscht sich
Frieden im neuen Jahr, das für Abt Müller ein glückliches sein soll.
-- F202r -- Ad abbatem Caesariensem, 31. Decembris 1663, nomine reverendissimi.
Reverendissime in Christo pater, amplissime praesul, observandissime domine
domine
(1) Diu est, cum reverendissimam amplitudinem vestram nullo epistolio salutavi,
causam dante diuturna mea a monasterio absentia, siquidem sacro primum adventus
tempore domum appulsus sum tam privatis coenobii mei quam publicis etiam patriae
negotiis eo usque distentus. (2) Neque dubitem reverendissimam quoque amplitudinem
vestram multo gravioribus curis onerari, praesertim ferventibus comitiis
Ratisbonensibus. (3) Dum nam ferox tumultuatur Turca, sat negotii facessitur imperio
eiusque proceribus. (4) Faxit divinus infans, qui pacatissimo mundi tempore nasci
voluit, ut cum Ianuariis revolutionibus, quas iam iam ingrediamur, simul etiam
optatissimae pacis caduceator Christiano orbi adveniat, alias sane actum de nobis
esse videtur, nisi dominus Sabaoth pugnet pro nobis. (5) De reliquo reverendissimae
amplitudini vestrae annum novum fortunatissimum, valetudinem semper secundam ac
omnem charismatum divinorum affluentiam ex animo precor una me meosque commendans.
(6) Ex Stambs die Salvatoris circumcisi anno 1664.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|