Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(5) Fratres nostri conversi cum nuper post paulo a peracta visitatione
intellexissent, deinceps sibi scapulare tandem dimidiatum, in formam linguae a
fronte gestandum, vehementer admodum turbati sunt et omnis paene sapientia eorum
devorata est; (6) ita nam vehemens illorum animos impressio occupavit, ut dicta
scapularis mutatione omnium saecularium ludibrio et sannis se exponendos
pertinaciter credant. (7) Quam ob rem reverendissimae amplitudini vestrae per Deum
ac divos supplicant, quatenus dilatione aliqua admissa super antiquo scapulari cum
iisdem gratiose tantisper dispensare dignetur, dum proximum capitulum seu generale
seu nationale celebrandum occurrerit. (8) Quod -- F200v -- illorum votum reverendissimae
amplitudinis vestrae benignitati ac favori humiliter commendo iussus a
reverendissimo meo. Dedi etc.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|
