Philologic Results

443. Stephani an Pfarrer Georg Nussbaumer in Mais Stams, 27. Januar 1663 Pfarrer Nussbaumer hatte bei seinem Abschied aus Stams einen Stapel Papiere zurückgelassen. Darin kann Stephani das gewünschte Rezept für Salböl nicht finden. Vielleicht hat Nussbaumer sie nach Mais mitgenommen. Stephani bittet um die Rücksendung. Nach dem Tod des Erzherzogs Ferdinand Karl haben viele Bauern mit dem Wildern begonnen. Einige wurden gestellt und in Fesseln nach Innsbruck abgeführt. Der Prior des Klosters Raitenhaslach ist zu Besuch.

-- F197v --

Ad parochum in Mais, 27. Ianuarii 1663. Reverende in Christo, religiose ac perdilecte domine paroche

(1) Inter scruta chartacea, quae reverentia vestra ex Stambs discedens sat multa reliquit, diu perquisivi vulgatum recipe olei ex carduo benedicto conficiendi, sed frustra volvi ac revolvi nusquam illud reperiens. (2) Unde mentem subiit reverentiam vestram forsitan illud secum asportasse.

(3) Quia ergo ab amica persona frequentissime interpellor et multiplicatis precibus pro illius communicatione urgeor, libeat reverentiae vestrae schedam mihi illam, si ad manum est, remittere, ut amicum praestare valeam obsequium.

(4) Perendie exequias celebrabimus archiduci Ferdinando Carolo [ERROR: no reftable :] Ferdinando Carolo] Erzherzog Ferdinand Karl ist am 30. Dezember 1662 verstorben. Vgl. Primisser cap. 43 § 5 Ferdinandus deinde ad Athesim profertur, Caldariae variolis est correptus. Quare pro restitutione principis Antonius Brixinensis antistes per universam dioecesin supplicationes iussit institui, sicut et Stamsii Augustinus noster per festa natalia. Sed placuit Deo principem ad se vocare, placuit et principi heroico animo mortem oppetere. felicis memoriae, cuius mors iam plures rusticos in casses temeritatis praecipitavit, ut ferinae cupidi cervos iacularentur. (5) Quorum duo vel tres in vicinia nostra ex Telfs in compedibus et manicis ferreis Oenipontum perducti sunt.

(6) Habemus hoc temporis hospitem domi nostrae, sacerdotem ex Raittenhaslach, prioris officio ibidem quinquennium iam functum, quem tam proprii abbatis sui, quam praesulis Alderspacensis ceu visitatoris instantia expugnati aegre tandem admisimus. (7) Quid conventui nostro eiusmodi hospites prosint et proficiant, reverentiam vestram haud latet, cui cum fraterna salute omnia fausta precor. (8) Ex Stambs raptim a sumpto prandio 27. Ianuarii 1663.