Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Lente festinarunt, quas reverentia vestra 26. Novembris ad me exaraverat,
siquidem eas decima primum luce Decembris accepi, quibus reciprocas ac brevibus
breves ut reponam, caritas urget me. (2) Castaneas dono missas rite obtinui easque
non uno tamen alterove pugillo, sed sesqui omnino modiis dimensas. (3) Quas auriga
ad me deportans, si in manus reverendissimi nostri[ERROR: no reftable :] reverendissimi nostri] Gemeint ist Abt
Augustinus Haas. obvius incidisset, mutilatas forsitan
et imminutas accepissem, siquidem paulo post dominus abbas dimidium illarum modium
ad -- F195v -- se pertinere aiebat, quem tamen nec repetiit nec reddidi. (4) Non minus
etiam recepi libum seu panem dulciarium cum aliquot Cherubinulis et Cydonitide a
patre Nivardo[ERROR: no reftable :]
a patre Nivardo] Gemeint ist Pater Nivardus Bardalas.
destinata, sed a pluviis non intacta. (5) Quorum loco si aliquammultos agnos Deus
misisset, vulgaris notae et valoris, quales catechizandae iuventuti rusticae
distribuere soleo, nae ille donarius mihi longe gratius praesentasset, cuiusmodi
apud moniales Meranenses[ERROR: no reftable :] apud moniales Meranenses] Gemeint sind die seit
1290 in Meran ansässigen Klarissen, die in den 60er Jahren des 17.
Jahrhunderts in einem erbitterten Streit mit dem Bischof von Chur lagen.
facile quidem compararet.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|