(1) Novissimas reverendissimae amplitudinis vestrae accepi die sancto Francisco sacra seu quarto Octobris[ERROR: no reftable :] quarto Octobris] Der Brief ist deshalb vordatiert, da er nur einen Vorschlag für Abt Haas darstellt. non iam amplius in monasterio, sed in Maisensi canonica constitutus, ex quarum argumento intellexi amplissimam dominationem vestram tantis tamque gravibus negotiorum momentis hoc tempore implicari, ut ea ad comitia Ratisbonensia necessario devolvi debeant atque adeo reverendissimam pietatem vestram paulo diutius abesse haud patiantur, sicque consueta monasterii mei visitatio hoc autumno peragi commode non possit. (2) Sane ut ego de meis impedimentis aliquid memorare praesumam, in medio nunc vindemiandi calore versor, quod quidem negotium praesentiam meam ita inevitabiliter deposcit, ut reverendissimae pietati vestrae in Stambs visitaturae huius praesertim mensis decursu personam meam sistere sine gravissimo monasterii dispendio nequirem. (3) Cum nam rei vindemiariae coenobio meo permaxime intersit, utpote a qua praecipuus fere proventuum nostrorum nervus dependeat, subducere huic me labori non audeo ab hominibus idoneis, qui meum locum in vinea supplerent, omnino destitutus. (4) Spero itaque reverendissimam pietatem vestram officii sui executionem vel in amoenum ver dilaturam, vel si magis arrideat sequens autumnus, prosecuturam

maturius, quam uvas legendi tempus appropiet. (5) Benignissimum Numen interim reverendissimam amplitudinem vestram cum omnibus suis in omnigena prosperitate conservet. (6) Dabam ex Mais.