Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(4) Ceterum -- F189v -- quia reverendissima dominatio vestra scire avebit, quas nos
defunctis confoederatis sportulas feramus, fateor, vestris functionibus nostras
suppares non esse; (5) neque nam ob numerosissimas fundationes, quibus monasterium
meum praegravatum est, nobis licet pro quolibet mortuo denuntiato vesperas
defunctorum et sacrum missae officium decantare, alias onere nimis gravi
opprimendis. (6) Quod ergo nos defunctis aliunde intimatis hactenus praestare
consuevimus, istud est, ut videlicet praeter communionem omnium bonorum operum et
annuam rememorationem in capitulo quilibet sacerdotum pro demortuo in missa
collectam sumat, iuniores vero seu clerici vesperas defunctorum simul dicant,
fratres denique laici quinquies orationem dominicam cum totidem salutationibus
angelicis persolvant. (7) Tantundem si a reverendissimae dominationis vestrae devoto
collegio deinceps nostris fratribus denuntiandis praestitum fuerit, oppido contenti
plus ultra exigere non possumus. (8) Atque his dum finio, reverendissimae
dominationis vestrae favori ac amicitiae me meosque commendo. (9) Ex Stambs die
annuntiatae Virginis festo seu 25. Martii.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|
