(1) Laetiore evangelio amplissima dominatio vestra magnum mihi gaudium annuntiavit de reverendissimo ac illustrissimo domino generali nostro[ERROR: no reftable :] generali nostro] Gemeint ist Generalabt Claude Vaussin (1608-1670). Romae tam secunda aura velificante. (2) Quid aliud ominari liceat, quam causam ordinis communem contra singulares et arrogantes abstinentiarios feliciter triumphaturam, quando ipsa urbis summa capita erga praedictum illustrissimum dominum generalem et vero totum nostrum ordinem tanta benignitate propendent? (3) Erit utique brevi, cum navicula religionis nostrae diu hactenus ventis et fluctibus agitata, sedatis tandem schismatium procellis, perfecta tranquillitate gaudebit. (4) In quam rem plurimum sane poterit reverendissimus dominus abbas Hilarion[ERROR: no reftable :] abbas Hilarion] Gemeint ist hier Abt Hilarion Rancati (1594-1663) von St. Croce, der als Generalprokurator großen Einfluß beim Heiligen Stuhl hatte. ob maximam, qua apud omnes pollet, authoritatem, in cuius adiutorio si illustrissimus dominus generalis fiduciam collocat, certe non arundini nititur. (5) At non aeque cooperatorem illum habebit pro novo breviario propugnando, siquidem, ut reverendissimus Grissoviensis mihi retulit, vix aliquis Romae torvioribus illud oculis aspexit atque idem ipse abbas Hilarion, forsitan prima aut palmaria causa nuperi decreti abrogatorii a congregatione episcoporum emanati. (6) Interim decet omnino pugnantes pro nobis alios scuto orationum ac sacrificiorum nostrorum obarmari,

quo solo fere officii genere partes nostras gnaviter explere possumus. (7) Dedi ex Stambsensi monasterio meo festo sancti Antonii confessoris die seu 17. Ianuarii 1662.