Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Annum novum placabilem et omni benedictionum copia affluentem reverendissimae
atque amplissimae dominationi vestrae animitus apprecor, et ut huiusmodi Ianuarias
annorum revolutiones adhuc quamplurimas hospes vivat ac felix decurrat, opto ac
voveo. (2) In tesseram huiusce affectus mei mitto de proxima mea vindemia, quam Deus
liberalissimus solito uberius benedixit, doliolis duobus lacrimas et sanguinem
nostratis uvae, apud officialem meum in Füssen Ioannem Spaiser tantisper in
sequestrum -- F187v -- ponenda dum reverendissimae et amplissimae dominationi vestrae
placeat ea inde sustollere, quae si in Lyco vitiata non fuerint, spero fore gustus
non ingrati. (3) Atque hanc exilem strenam ut amplissima dominatio vestra boni
consulat, rogo.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|