Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
421. Stephani an Abt Georg IV. Müller von Kaisheim
Stams, 29. November 1661
Stephani berichtet dem Abt vom kürzlichen Tod des Paters Johannes Schnürlin, der nach
einem starken Catarrh und Rheuma am 3. November verstorben ist. Nach einem
würdigenden Nachruf und der Schilderung der Todesumstände bittet Stephani um die im
Kloster üblichen Gebete für den Verstorbenen.
Ad abbatem Caesariensem, 29. Novembris 1661.
Reverendissime in Christo pater, amplissime praesul, observandissime domine
domine
(1) Nihil sub sole novum.[ERROR: no reftable :] nihil ... novum] Zum Sprichwort vgl. Eccl.
1,10. (2) Ergo nec mori novitatis quidquam habet. (3)
Omnes nam morimur et quasi aquae in terram dilabimur. (4) Itaque nuperrime dilapsus
est venerabilis ac religiosus pater Ioannes Schnürlin, asceterii nostri professus et
parochus in Mais, qui praeterito mense aliquamdiu vehementi exagitatus catarrho, cum
iam prae virium debilitate rheumati expectorando amplius non esset, demum
(succrescente insuper intrinseco apostemate) succubuit et spiritum postridie omnium
fidelium animarum seu tertio Novembris creatori transmisit. (5) Implevit universae
aetatis annos 58 sub cuculla vixit annos 36, sacerdos 30, ex eo potissimum ter felix
et beatus, quod a patria et parentibus fidei heterodoxae, iam in sua -- F187r -- adhuc
innocenti pueritia avulsus, non tamen in gremium sanctae Romanae ecclesiae receptus
sit, sed et inter Dei servos ac religiosae militiae athletas divina vocante gratia
adnumerari meruerit. (6) Et quamvis ille consuetis sacramentis ad anceps mortis iter
ad periculosum aeternitatis portum se rite munierit, ex ipsiusmet domini abbatis
nostri[ERROR: no reftable :]
domini ... nostri] Gemeint ist Abt Augustinus Haas.
manibus sancto viatico et suprema unctione susceptis, attamen quia Deus etiam
iustitias vindicat ac facilis scopulus hinc emigrantes vel in litore tardat, opem
defuncto nostro mendicantes reverendissimae pietati vestrae totique suorum venerando
ac devoto collegio in preces, arae sacrificium aliaque ordinis suffragia animam
Ioannis demisse commendamus, pro reverendissima amplitudine vestra ac suis omnibus
Deum precaturi, ut reciprocis huiusmodi auxiliis adhuc diutissime non indigeant.
Stambs 29. Novembris 1661.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|