Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(5) Denique ut aliquid etiam memorem de ordine nostro, certa relatione didici nova et
exotica breviaria nostra (quorum, laus Deo, pauca comparavimus) Romae iam cassata et
abolita esse -- F186v -- una cum missalibus etc. (6) Die nam secundo Iulii sacra rituum
congregatio decretum publico typo impressum edidit, quo declaravit monachos
Cistercienses ex constitutis Pauli V. de anno 1616 teneri ad breviarium monasticum
(id est, antiquum ordinis) ideoque illos, qui hactenus novo usi sunt, debere intra
annum reassumere breviarium monasticum a Paulo V. approbatum, alias non satisfacere
praecepto de recitando officio. (7) Huius decreti exemplar unum impressum Polonus
quidam sacerdos ordinis nostri Roma recens digressus, cum ante tres circiter
septimanas ad nos diverteret, legendum nobis ac describendum communicantis. Atque
hisce.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|
