Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

419. An Graf von Thun, Kanonikus in Trient [Stams], 19. November 1661 Im Namen von Abt Augustinus Haas: Graf von Thun hat sich schon öfter für einen Gefallen für die Stamser angeboten, was Abt Haas nun nützen will. Vor wenigen Tagen ist der Vikar von Mais, Pater Johannes Schnürlin, verstorben. Graf von Thun möge dem designierten Nachfolger Schnürlins, Pater Leopold Gassler, dem Überbringer dieser Nachricht, die nötige Bestätigung verschaffen. Am Friedhof der Pfarre Mais wurde eine Kapelle mit einem Altar für den Hl. Martin errichtet, der nun geweiht werden soll. Dazu möchte Abt Haas die Erlaubnis aus Trient. Ad perillustrem dominum comitem de Thunn Tridenti canonicum, 19. Novembris 1661, nomine reverendissimi.

-- F185v --

Reverendissime ac perillustris domine comes, patrone observandissime

(1) Memor insignis benevolentiae, quam perillustris dominatio vestra tum ore tum calamo tenus iam saepius prae se tulerat ad gratificandum mihi ac monasterio meo promptissime se offerendo, audacia utor ac perillustris dominationis vestrae tam benevolas aures sollicitare non vereor. (2) Mensis nondum abiit, cum vicarium meum in Mais, venerabilem patrem Ioannem Schnürlin (quem anno superiore ex parochia ad abbatiam translatus successorem mihi ibidem substinui) mors inopina post paucorum dierum aegritudinem de saeculo nequam eripuit. (3) Cuius raptu ne praedicta ecclesia viduitatis diu patiatur incommoda, praesentium latorem reverendum patrem Leopoldum Gässler,[ERROR: no reftable :] Leopoldum Gässler] Vgl. Primisser cap. 43 § 4 In locum pie defuncti Maisensis vicarii curiae Tridentinae praesentatus fuit Leopoldus Gaessler. Sed cum in examine tam turpiter fuisset halucinatus, ut parochialis cura ei committi non posset, hinc anno MDCLXII Georgius Nussbaumer, antehac supprior, eodem missus et facile admissus est. monasterii mei Stambsensis professum, ad idem munus destinandum censui, cuius benignam admissionem et approbationem reverendissima ac perillustris dominatio vestra sibi rogo habeat commendatam.

(4) Sed et alterum adhuc beneficium et gratiam a perillustri manu exambio. (5) In coemeterio praelibatae Maisensis parochiae exstructa est non pridem supra cryptam ossuarii capella quaedam in eaque altare ad honorem sancti Martini erectum, cuius nunc consecrationem parochiani instanter penes me urgent atque desiderant. (6) Verum quia hoc loci manum ad talem tabulam apponere mihi non licet, si interventu reverendissimae ac perillustris dominationis vestrae delegatam desuper potestatem obtinere possem, esset, cur me et totam communitatem Maisensem perillustri dominationi vestrae aeternum obstrictos agnoscerem. (7) Cuius favori me commendans maneo etc.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic