Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Responsum, quod tres iuvenes logici per calamum tuum religionis nostrae habitum
sollicitantes desiderant, paucis sic accipe: (2) Etsi iteratis vicibus te monueram,
ut ad sublevandam hominum penuriam, qua uno alterove iam anno asceterium nostrum
laboraverat, rete tuum iactares et idoneos aliquot iuvenes nobis adduceres, ita
tamen interea rerum ordo mutatus est, ut opus amplius minime habeamus exteras
nationes conventui nostro adsciscere, siquidem per anni circiter spatium tot
patriotae fores nostras pulsarunt ac religionis amictum expetierunt, ut si omnibus
aperire et singulos sacro habitu donare vellemus, domicilia pro iisdem quantumvis
duplici in dormitorio nostro non sufficerent. (3) Ex multis igitur delectu tamen
habito circa sancti Michaelis[ERROR: no reftable :] sancti Michaelis] 29. September.
tres quattuorve tirones suscipiemus nec Bavarica capita de cetero desideramus. (4)
Id quod responsi loco tibi intimatum volui. Vale!
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|