Welcome to PhiloLogic  
   home |  the ARTFL project |  download |  documentation |  sample databases |   
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Previous Section

Next Section

403. An Abt Georg IV. Müller von Kaisheim Stams, 7. Dezember 1660 Im Namen von Abt Augustinus Haas: Abt Haas freut sich schon auf seine bevorstehende Weihe, die am 6. Januar 1661 stattfinden soll. Der Termin kommt sehr gelegen, weil sich im Moment die Erzherzöge in Telfs aufhalten und man nie wissen kann, wann sie dem Kloster einen Besuch abstatten. Außerdem ist die Weihe ein willkommener Anlass, um mit den anderen Äbten das bevorstehende Generalkapitel zu besprechen. Um sicher zu gehen, wird Abt Haas nicht mit dem Wagen, sondern nur mit dem Pferd kommen. Falls etwas dazwischen kommt, möge ihn Abt Müller rechtzeitig informieren. Ad abbatem Caesariensem, nomine reverendissimi, 7. Decembris 1660. Reverendissime in Christo pater, amplissime praesul, observandissime domine domine

(1) Futura benedictionis meae solemnia, quae ego quidem ad dominicam gaudete suscipere gestiebam, reverendissimae pietatis vestrae prudenti consilio in diem Epiphanorum reici ac differri

-- F177r --

tantum abest mihi, ut displiceat, ut id pergratum omnino habeam ratumque duplici ex capite: (2) primo, quod serenissimi archiduces nostri[ERROR: no reftable :] serenissimi ... nostri] Gemeint sind Erzherzog Ferdinand Karl und seine Gattin Anna de’ Medici. hoc temporis in vicinia monasterii mei venationibus intendant permansuri, ut rumor est, in Telfs et aliis locis circumiacentibus ad ipsas usque nativitatis dominicae sacratas ferias, de quorum inopinato occursu atque extemporanea ad monasterium diversione numquam securus in eventum semper paratus stare cogor. (3) Deinde, quod videam per revrendissimae pietatis vestrae vigilantem sollertiam duos, ut aiunt, parietes una fidelia dealbari,[ERROR: no reftable :] duos ... dealbari] Zum Sprichwort vgl. Noten zu ep. 124. dum et mihi (immerito capiti) insignia pontificalia publico ritu conferre et simul de negotiis ordinis ad futurum generale capitulum promovendis in consessu reverendissimorum coabbatum provide deliberare intendit.

(4) Proinde si Deus, a quo omnia nostra pendent, votis annuerit, fixum mihi est ad diem praestitutum in coenobio Caesariensi certo comparere, et quia currum nivosa itinera forsitan sufflaminare ac remoram pergenti inicere possent, eques venire constitui. (5) Id quod reverendissimae pietati vestrae hisce, ut petebatur, significare volebam vicissim precatus, ut, si forte ex parte eiusdem amplissimae dominationis vestrae insperatum aliquod impedimentum praedictis rebus obeundis interveniret, mature desuper praemonear, ne sumptuoso itineri frustra me dedam. (6) Supremum Numen interea reverendissimae pietatis vestrae optima consilia et proposita secundis successibus fortunet! (7) Dabam ex Stambs pridie magnae matris ac Virginis sine labe concepta, hoc est 7. Decembris anno 1660.

Previous Section

Next Section


Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
Powered by PhiloLogic