(1) Ex patre priore[ERROR: no reftable :] patre priore] Pater Benedikt Stephani. meo intelligens reverendissimam pietatem vestram desiderare iudicium tenuitatis meae in puncto visitationis, num manus operi admovenda necne, paucissimis ita me declaro: (2) Cum ex una parte constanter asseratur serenissimum archiducem[ERROR: no reftable :] serenissimum archiducem] Gemeint ist Erzherzog Ferdinand Karl. ante revolutionem octidui a monasterio Stambsensi non recessurum, ex altera vero reverendissimae pietati vestrae nimis quam onerosum foret Nazarethi tam diu sine fructu et emolumento subsistere, in praesentia autem principum et aulicorum ad quaeque curiose indaganda tam proclivium, visitatio prudenter ac sine metu gravium praeiudiciorum institui non possit, existimem reverendissimam pietatem vestram consultius facturam, si negotium visitationis pro nunc tantisper sufflaminaret ac vel ad exitum Augusti vel ad primordia Septembris reiceret. (3) Nam ad diem septimum Iunii Halam evocor ad ratiocinia steurarum complananda, quod opus vix ante Augustum mensem terminandum vereor.

(4) Interim quam maxime doleo reverendissimam pietatem vestram tanto tamque incommodo itinere frustra fatigatum versis nunc rotibus ad repatriandum cogi, quam ego in osculo pacis reverenter excipere et cum ea de multis conferre praeoptassem. (5) Si interea placet de actis Uberlingae mihi aliquid communicare, gratanti manu accipiam. (6) Raptim ex Stambs die quarto Maii.