(1) Quem reverentiam vestram saepius causatam memini defectum operariorum in vinea, ego quidem dudum sublevatum optassem, sed reverendissimo nostro [ERROR: no reftable :] reverendissimo nostro] Gemeint ist Abt Bernhard Gemelich. semper hactenus cunctante et vero etiam inter tot iuvenes sacerdotes nostros vix aliquem reperiente, qui ad talem provinciam obeundam sine omni exceptione usquequaquam habilis esset, desiderium reverentiae vestrae differri debuit, impleri non potuit. (2) At ecce dum in nullo minus quam in

hos cogitationibus versaremur, sistit se in Stambs praesentium exhibitor, reverendus pater Cuno monasterii Ebracensis professus ac sacerdos,[ERROR: no reftable :] pater ... sacerdos] Gemeint ist Pater Kuno Vogt aus Ebrach. qui ad tempus et revocationem usque a superioribus suis legitime dimissus vel hospitem in monasterio nostro vel in parochia aliqua cooperatorem agere desiderat. (3) Eum itaque de mandato reverendissimi domini abbatis reverentia vestra provisorie in sublevamen onerum et functionum suarum suscipiet, quem talentis quidem et qualitatibus, quae in hunc finem requiri solent, instructum esse vix dubitandum est, quia vero in religionis fornace nondum admodum diu probatus atque ex eo forsitan libertatis plus aequo amantior inveniri posset, reverentia vestra eundem iugi occupatione ita distinere curabit, ut et spiritus monasticus in ipso non suffocetur et qui suboriri posset vagandi pruritus tempestive coerceatur. (4) Quibus raptissime deproperatis reverentiam vestram peramanter saluto ac mutuas preces fraterne efflagito. (5) Stambs, 21. Aprilis 1660.