Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Tandem ad me divertit 25. Ianuarii epistula illa admodum reverendi domini
Tedenat, tam encyclica et communis quam privata mihi peculiariter inscripta cum
aliis quibusdam appendicibus, quas reverendissima pietas vestra iam pridem ex
Caesarea me accepisse augurabatur. (2) Pervolvi pleraque ac praesertim memoriale
eorum, quae praedictus dominus Tedenat ex parte congregationis nostrae agenda et
praestanda indicat, et inveni primo abs re non fore, si mandatum procurae, quod ille
desiderat, communi nomine totius nostrae congregationis Germanicae eidem
dirigeretur, cuius prototypon aliquod aut proiectum hic una transmitto, olim a
reverendissimis abbatibus Austriae concinnatum et in eodem genere causae Romam ac
Parisios destinatum.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|