Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Hodierno tandem die promissam strenam[ERROR: no reftable :] promissam strenam] Vgl. ep.
370,2-4. (duo vini vascula) aurigae mei de monasterio
exportarunt ad oppidum Fiessense perducturi. (2) Id vero, quod pollicebar, futurum,
ut illa usque ad penum Caesariensem per proprium ductorem devehenda curarem, libens
modo exsequerer, si aquarum remigium (de quo confidebam) interim sufflaminatum non
esset. (3) Sed nunc tam insolitum frigus ab aliquot iam retro septimanis in dies
ingravescit, ut Lycus quasi fere in totum congelatus prae crustis glaciei nullis
ratibus pervium iter concedat. (4) Et ut suus praedicto flumini cursus esset,
nihilominus tamen frigus adhuc adeo intensum est, ut non ex vano timendum fore, ut
super ratem vinum velut in lapidem obrigesceret. (5) Quare rebus sic constitutis
praefata doliola in Fiessen penes officialem monasterii mei Ioannem Spaiser reponere
cogor, ubi sub fideli custodia tantisper subsidebunt, dum et gelu remittat et
revrendissimae pietati vestrae collibeat per suos ea inde sustollere. (6) Amplissima
dominatio vestra exiguum munus et voluntatem hanc meam boni consulat et in futuris
diebus Saturnalium de vino hoc nostrate gustum liberaliorem dispenset. (7) Dabam ex
Stambs ab anni novi auspicio die tertia.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|