Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Aurigas meos ex Athesi ad monasterium crastino vespere appulsuros expecto. (2)
Quos ubi primum rotas et alia in rem currulem necessaria, siquae fors in itinere
fuerint confracta, reparaverint, confestim Fiessenam ob negotium iam notum
[ERROR: no reftable :] negotium iam
notum] Vgl. ep.370,2-4. dirigam promissa duo vini
doliola secum vecturos. (3) Haec vero quo determinato tempore quave septimana vel
die Caesaream usque perventura sint, definite significare necdum possum. (4) Interim
non intermittam aurigis fidum associare ductorem, qui, ut vinum incorruptum et a
compunctionis baculo praesertim in Lyco haud vitiatum servetur, advigilet. (5) Natus
orbis Salvator reverendissimam pietatem vestram custodiat et haustum vini
superventurum eidem salutiferum esse velit. (6) Ita precor atque exopto ex Stambs
30. Decembris seu propridie Circumcisionis Dominicae, qua duos de conventu nostro
neomystas primitivum sacrum Omnipotenti immolaturos ad aram sistemus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|