Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(2) Ex argumento porro litterarum luculenter intellexi propositum esse
reverendissimae pietati vestrae ad diem 21. huius mensis in monasterio meo consuetum
visitationis munus peragere, si quidem diem et tempus iudicem non incommodum. (3) At
certe, ut fiducialiter pandam, quod res est, sicut praeterita aestate aut vere
reverendissimae pietatis vestrae adventus mihi ac meis gratissimus fuisset ac
etiamnum in autumno arrideret, si modo duabus aut tribus septimanis fuisset
anticipatus, ita nunc appetente iam iam tempore vindemiarum, quas hoc anno ob
tempestatis inconstantiam prae solito accelerare oportet quaeque praesentiam meam
necessario deposcunt, ad dictam sancti Matthaei[ERROR: no reftable :] sancti Matthaei] 21.
September. diem reverendissimae pietati vestrae personam
meam in domo Stambsensi exhibere nequaquam possem, statim post exaltationis sanctae
crucis[ERROR: no reftable :]
exaltationis sanctae crucis] Kreuzerhebung, 14. September.
ad partes Meranenses concessurus. (4) Praeterquam nam quod
pater Augustinus Haas conventualis meus (quem reverendo patri Ioanni Burkhardo
parocho Maisensi ante annum fatis functo substitui) in officio adhuc neophytus sit
tractandoque vindemiandi negotio adhuc impar, iudicem insuper meum, Ioannem Georgium
Frikinger, rerum alioqui satis intelligentem, in servitiis meis amplius non habeo
ante sesqui annos a coenobio meo digressum et nunc in oppido Reithensi commorantem.
(5) Quare cum ab hominibus -- F155v -- idoneis, qui meum locum in vinea suppleant, hoc
temporis omnino destituar, simul vero negotii istius monasterio meo permaxime
intersit, utpote a quo praecipuus fere proventuum nostrorum nervus dependeat,
confido reverendissimam pietatem vestram et meam pro nunc a domo absentiam iniquius
non laturam, et sui officii executionem in tempus paulo opportunius benigne
dilaturam, cui interim omnigenam a Deo prosperitatem precor ac eidem me meosque
devote commendo. (6) Ex Stambs in pervigilio nativitatis Marianae seu 7.
Septembris.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|