Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
361. An Abt Thomas II. Schwab von Salem
Stams, 15. April 1659
Im Namen von Abt Gemelich: Der Abt bedauert, dass er am Nationalkapitel in Überlingen
aufgrund seiner angeschlagenen Gesundheit nicht erscheinen kann. Er beteuert jedoch,
wie gerne er dort erschienen wäre. Der Abt von Kaisheim wird jedoch dort die Stamser
Sache vertreten.
-- F152r -- Ad abbatem Salemitanum in eadem causa excusatoriae, nomine eiusdem domini
abbatis nostri, 15. Aprilis 1659.
Reverendissime in Christo pater, amplissime domine, praeses venerandissime
(1) Tametsi post acceptam capituli nationalis indicationem totus in eo fuerim, ut tam
illustrissimi domini generalis[ERROR: no reftable :] illustrissimi ... generalis] Gemeint ist Generalabt
Claude Vaussin. mandato quam cohortationi
reverendissimae pietatis vestrae obsecuturus Uberlingam personaliter me conferrem,
tantae tamen infirmitates, praesertim crurum, iam inde ab exacto tempore vindemiarum
me circumdant, ut raro fores cubiculi mei, nedum coenobii portas egredi mihi liceat.
(2) Quare cum neque privatae negotiorum tricae neque itineris taedium neque intuitus
expensarum, sed sola divina manus, a cuius nutu vitae meae momenta currunt et
pendent, imbecillitatum vinculo me detineat, spero reverendissimam dominationem
vestram de mea absentia non succensuram, qui alias nihil optatius duxissem, quam in
tot honorandissimorum praesulum conspectum venire eisque in foedere caritatis
sociari. (3) Interim vero rogatu meo reverendissimus dominus Caesariensis in se
vices meas suscepit acturus sine dubio in capitulo omnia, quae mihi facienda
incubuissent. (4) De reliquo reverendissimae pietati vestrae ceu congregationis
capiti et universo patrum aggregatorum coetui assistentiam sancti spiritus
devotissime apprecor ad ea, quae in domino facienda iudicaverint, me una cum meis
pro posse virium nostrarum submittens. (5) Dabam ex domo Stambsensi, 17. Kalendis
Maii, quae erat tertia feria paschatis anno 1659.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|