(3) At ego quidem, licet intentio propositi operis mihi maxime probetur, de comparendo nihil adhuc polliceri possum. (4) Absumus nam ad indicta die tribus paene adhuc mensibus, sub quorum decursu varia evenire possunt, quae resolutioni mutandae necessitatem adferre valeant. (5) Nam (ut nihil dicam de conventu statuum provinciae nostrae Tyrolensis, quem ante vel post paschales ferias Bolzani cogendum ominor et a quo abesse sine serenissimi[ERROR: no reftable :] serenissimi] Gemeint ist Erzherzog Ferdinand Karl. consensu mihi integrum non foret) valetudo corporis mei admodum inconstantibus et dubiis passibus graditur meque identidem vel grabato affigit vel saltem hypocausti parietibus concludit. (6) Et sane iam prope a semestri paucos numeraverim dies, qui a doloribus et morbis serena ac lucida mihi intervalla praebuerint, proindeque huius meae infirmitatis intuitu de itinere carpendo vel non carpendo determinare me pro praesenti non possum. (7) Non intermittam tamen reverendissimam pietatem vestram tempestive desuper certiorem reddere et in eventum meae impossibilitatis eidem, si liceat, partes meas committere. (8) Interea valeat reverendissima dominatio vestra divino protecta favore, suo autem uti hucusque ita porro me meosque prosequatur! (9) Ita precor ex Stambs die 11. Februarii 1659.