(1) Quid reverendissimo meo[ERROR: no reftable :] reverendissimo meo] Gemeint ist Abt Bernhard Gemelich. nuperis diebus scripserit ex oppido Reithensi iudex quondam noster, Ioannes Georgius Frikinger, libeat admodum reverendae dominationi vestrae ex ipsiusmet litteris, quas in authographo submittere placuit, uberius perspicere. (2) Totus nimirum est in lamentando conditionem filii sui Wolfgangi, pro tempore primissarii Haimingensis, qui cum iam integro plus anno beneficium providerit, tamen nec illius redditus (quantumvis alias admodum tenues) hactenus perceperit nec urbarium, ut vocant, seu registrum suorum proventuum a rusticis impetrare valuerit. (3) Ceterum quia reverendissimi domini suffraganei, [ERROR: no reftable :] reverendissimi ... suffraganei] Gemeint ist der Brixner Weihbischof Jesse Perkhofer. aliis utique occupatissimi, venerandas aures desuper vellicare necessarium non iudicamus, cum satis superque reverenda admodum dominatio vestra pro officii sui auctoritate negotio huic remedium ferre possit, confidimus eandem admodum reverendam dominationem vestram ex zelo et amore, quo in personas ecclesiasticas semper ferebatur et fertur, dicto domino primissario (rusticorum praesumptione ad terminos aequitatis reducta) pro effectu, quem desiderat, opitulaturam, ne alioqui forsan praefatum beneficium brevi temporis lapsu omnino pessumdetur ac pereat et pia fundatorum intentio fine debito frustretur. (4) Providentissimus Deus admodum reverendam dominationem vestram in benedictionibus diutissime custodiat!