350. Stephani an Pfarrer Augustinus Haas in Mais Stams, 2. November 1658 Stephani bedauert, aus Haas’ letzten Brief erfahren zu müssen, dass es Abt Gemelich wieder schlechter geht, hofft aber, dass es ihm bald wieder gut geht. Er gratuliert Haas zum neuen Titel “Pfarrer”, ist sich jedoch bewusst, wieviele neue Aufgaben und Mühen auf Haas jetzt zukommen. Rosina, die Frau des Richters, hat einen Sohn zur Welt gebracht, den der Vater Leopold, die Mutter aber Simon nennen wollte. Es wurde ein Simon. Die ursprünglich schwierige und komplizierte Geburt ging dann doch gut aus. Ad patrem Augustinum, parochum in Mais, 2. Novembris 1658. Multam salutem et studium sic transeundi per bona temporalia, ut non amittantur aeterna

Reverende in Christo domine paroche, confrater plurimum dilecte

(1) Ex litteris reverentiae vestrae 23. Octobris ad me perlatis condolenter intellexi reverendissimum nostrum[ERROR: no reftable :] reverendissimum nostrum] Gemeint ist Abt Bernhard Gemelich. admodum aegre habere, utpote non solum intensis doloribus podagrae, sed et ipsa etiam ischiade laborantem, quem proinde patrum ac fratrum sacrificiis et orationibus pro debito commendavi. (2) Spero tamen cum multa fiducia interea temporis sereniorem auram iam rediisse et suam afflictis reverendissimi membris propediem redditam libertatem.

(3) De nova dignitate, de titulo parochi, gratularer reverentiae vestrae, si cuipiam de cumulo laborum deque oneris aggravatione congaudendum censerem.

(4) Dedit tamen domino iudici Rosina sua, quem praestolabatur, filium ipso sanctorum Simonis et Iudae[ERROR: no reftable :] Simonis et Iudae] 28. Oktober. festo enixa, quem patrinus quidem, Christophorus Gässler, Leopoldum nuncupatum volebat. (5) At vero mater interrogata,

-- F145r --

quem vellet vocari eum, “Simon sit nomen eius” aiebat sicque sacerdos tam voluntati matris quam apostoli potius honori deferendo Simonem baptizavit. (6) Angustiabatur multis horis puerpera eoque metu (quod in primo parientibus fieri assolet) concutiebatur, ut summo mane (ante secundam) confessarium peteret domui suae dispositura. (7) Post vero, cum sacrum pro se fieri ad sanctum Ioannem petiisset, eo a patre Eugenio [ERROR: no reftable :] patre Eugenio] Gemeint ist Pater Eugenius Eyberger. sub horam septimam lecto et vix finito statim feliciter partum edidit, primo a paschate baptismo tingendum, id quod reverentiae vestrae et per eam domino iudici, si adhuc vobiscum, hisce paucis indicare volui. (8) Ex Stambs die commemorationis omnium animarum seu 2. Novembris.