(5) Ex tribus neomystis, quos Brixinam duxi et reduxi, frater Bartholomaeus Hol primitium sacrum Deo omnipotenti offeret 27. Novembris, reliqui duo domenica secunda adventus, ad quorum solemnitatem reverendam admodum dominationem peramice ac fraterne invitatam cupio gratissimam habiturus praesentiam, si per negotia et occupationes impediri eam non contigerit. (6) Atque his raptissime deproperatis in preces et sacrificia reverendae admodum dominationi suae meque meosque religiose commendo.