(1) Committere nolui, quin reverendissimae amplitudini vestrae totique suorum venerando ac religiosissimo coetui fortunatissimum anni novi auspicium ac prosperum eiusdem et subsequentium multorum decursum toto devotionis conatu apprecarer. (2) Velit propitium Numen, ut cani reverendissimae pietatis vestrae velut aquilae iuventus renoventur,[ERROR: no reftable :] velut ... renoventur] Zu diesem biblischen Bild vgl. Ps 103,4. quo in seras adhuc aetates inclytae domui Caesariensi praeesse ac prodesse valeat bene meritum caput.

(3) Obsigno votum hoc meum exigua strena, quam aurigae monasterii mei Abusiacum (notiori nomine Füessenam) hodie devehunt, geminum scilicet vini doliolum, apud officialem nostrum Ioannem Spaiser interim deponendum. (4) Amplissima dominatio vestra boni consulat exile istud apophoretum ac de genimine vitis nostrae Tyrolensis modicum gustum, quem offero, non detrectet, cui me meosque cum affectuosa salute impensius commendo. (5) Ex eremo ad sanctum Ioannem in Stambs ipso sancti prothomartyris festo die anno vergente 1657.