Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(7) Novus adventum celebrandi modus, quem post acceptas reverendissimae pietatis
vestrae litteras conventui mox publicavi, cunctos quidem consternatos fecit, quia
scilicet omnes pro isto anno inducias sperabamus. (8) Attamen intellecto
reverendissimae pietatis vestrae decreto sine mora dedimus manus et misso carnibus
nuntio abstinentiam sumus amplexati, necdum tamen veri ichthyophagi
[ERROR: no reftable :] ichthyophagi]
ichtiophagi hs. facti, quia nihil adhuc carpionum
accepimus. (9) Unum vero nobis adhuc minus liquidum est, ieiunio scilicet tota ad
solida hebdomas transigenda sit (quod reverendissima pietas vestra in epistula ad
patrem cellarium insinuare videtur), an vero abstinentia tantum. (10) Ieiunium
indici ego quidem ex statutis attente lectis et relectis exsculpere non potui, quin
potius contrarium ex iisdem (salvo prudentiorum iudicio) clare et aperte deduci
existimo. (11) Memini etiam ante plures annos nescio amplius, a reverendissimo
domino visitatore[ERROR: no reftable :] reverendissimo ... visitatore] Gemeint ist Abt
Georg IV. Müller von Kaisheim. nostro an a venerabili
piae memoriae patre Benedicto Staub, rerum ordinis ac congregationis apprime perito,
cum desuper -- F139r -- ex instituto interrogassem, oretenus accepisse non ieiunium nobis
per adventum incumbere, sed solum abstinentiam exceptis nimirum consuetis duobus
Mercurii et Veneris diebus. (12) Quare donec nodum hunc reverendissimae pietatis
vestrae ad nos reversurae autoritas resolvat, ego interim praeter nominatas, quartam
et sextam, ferias citra scrupulum bina cum fratribus utor refectione.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|