337. Stephani an Abt Bernhard Gemelich in Mais Stams, 13. Oktober 1657 Stephani berichtet dem Abt vom Tod des bereits länger erkrankten Paters Abraham [Roth] am 11. Oktober 1657. Noch am vergangenen Sonntag und Montag hatte ihn der Arzt besucht und mit allerlei Medikamenten versehen. Wegen des Deliriums, das er am Ende erleiden musste, gab es Probleme mit der letzten Beichte. Stephani las für ihn eine Messe zur Ehre der Hl. Barbara. Vor einer Woche verstarb auch Johannes Gschwind, der dem Stift Stams einst 90 Gulden gestiftet und weitere zehn für die Zeit nach seinem Tod versprochen hatte. Unter Berufung auf seine Armut will sein Sohn diese zehn Gulden jetzt aber nicht bezahlen. Ad dominum abbatem nostrum in vindemiis versantem, 13. Octorbis 1657. Reverendissime in Christo pater, observandissime domine domine

(1) Scribebam ante octiduum, quod patrem nostrum Abrahamum [ERROR: no reftable :] patrem ... Abrahamum] Gemeint ist Pater Abraham Roth (vgl. >Album Stamsense Nr. 450). vel brevi convaliturum sperarem vel membrorum resolutionem incursurum timerem. (2) Utrumque evenit. (3) Convaluit, sed ad vitam meliorem resolutionem incurrit, quia totus solutus est et in matrem omnium reversus. (4) Mortuus nempe est undecimo huius mensis mane post mediam quintam, cum finitis in choro vigiliis fere omnis conventus ad eius agonem occurrit. (5) Visitavit eundem medicus praeterita die domenica ac sequenti lunae et invenit eum admodum quidem

-- F137r --

debilem ac tremulum, sed tamen usu rationis sibi adhuc plene constantem et in convulsiones nondum recidivum, cui proinde praestantia pharmaca ordinavit. (6) Verum mox insecuta nocte epilepticos insuetus denuo passus, toto triduo iisdem (nequiquam proficientibus medicinis) graviter agitatus est et in continuum delirium abstractus, unde ad confessionem disponi non poterat. (7) Attamen post acceptam unctionem supremam, cum missam legi curassem in honorem sanctae Barbarae, quam semper patronam coluerat, tantillum saltem intervalli lucidioris habuit, ut ad interrogationes confessarii utcumque respondere et sic absolutionis beneficium adipisci posset. (8) Vixit annos 40, menses tres, dies sex. (9) Clementissimus Deus reliquam cum capite suo filiorum turbam diu incolumem servet, ne conventus noster nimium imminuatur, dum non absunt, qui decedentibus succedant.

(10) Obiit etiam biduo ante ex subditis territorii nostri Ioannes Gschwind, senex prope octogenarius, qui (ut reverendissima pietas vestra a me relatum forte adhuc meminerit) sanus cum esset et sensibus integre constans, legavit ad sanctum Ioannem florenos 90 et decem pro missis post mortem in animae suae subsidium legendis. (11) Verum nunc filius eius et haeres suam paupertatem allegans neque hos neque illos dare posse praetendit, ut adeo et sanctus Ioannes pio legato et defunctus missarum suffragiis carere cogatur. (12) Atque haec impraesentiarum raptim ex Stambs etc.