333. An Pater Candidus List in Kaisheim Stams, 31. Januar 1657 Im Namen des Abtes Gemelich schreibt Stephani an Candidus List, um ihm zu seiner Priesterweihe zu gratulieren. Abt Gemelich war mit Arbeit an der Ernte in Mais und mit dem Landtag in Bozen beschäftigt. Nach seiner Rückkehr nach Stams fesselte ihn seine Arthritis ans Bett. Als Zeichen seiner Freude schickt er List ein spanisches Kreuz. Ad patrem Candidum List Caesariensem, nomine reverendissimi nostri, 31. Ianuarii 1657. Reverende in Christo, religiose et amantissime cognate

(1) Quod impraesentiarum praestamus, dudum factum fuisse oportuerat, ut scilicet tibi de felicibus progressibus tuis deque adepta sacerdotali dignitate propensius gratularemur. (2) Sed nam audieris iam, non dubito, ex litteris prioris nostri [ERROR: no reftable :] prioris nostri] Pater Benedikt Stephani. multiiuges nostras occupationes, quibus tempore primitiarum tuarum cum in vindemiis, tum paulo post in negotiis provinciae publicis Bolzani distinebamur. (3) Et nunc, postquam ante dies plus minus 14 domum reversi sumus, arthriticis doloribus grabato affigimur, ut neque hanc ipsam, quantumcumque seram, gratulationem calamo expedire valeamus. (4) Ceterum pro symbolo huius gratulationis et tessera affectus nostri

-- F135r --

accipias de cognata manu crucem unam Hispanicam, quam hisce inclusimus te affectuose salutantes atque, ut in profectu virtutis ac religionis magnis passibus semper progrediare, sedulo cohortantes. (5) Ex monasterio nostro Stambs etc.