Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Hesterna die cursor quidam bullas futuri iubilaei per decanatum Flaurlingensem
efferens ad monasterium etiam nostrum divertit exemplar nobis unum relicturus. (2)
Sed quia in fronte fasciculi, quem ferebat, prostabant litterae communes sive
circulares, a decano, ut moris est, ad parochos et curatos rurales inscriptae, nihil
nostra attinere ratus fasciculum non aperui, sed remisi. (3) Ceterum cum intelligam
dictum iubilaeum in omnibus vicinis eccelsiis crastina publicatum iri nec ultra
quattuor septimanas extendendum, ne territorium nostrum hoc spirituali thesauro
privari contingat, reverendissimam pietatem vestram submisse rogatam velim, copiam
illam, quam pridem in aestate acceperat, vel aliam tempestive nobis communicare
dignetur, quatenus in vulgare idioma translatam, nomine reverendissimae pietatis
vestrae -- F134r -- promulgare adhuc prius valeamus, quam in decanatu expiret.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|