330. Stephani an Vikar Martin Stöger in Wertach [Stams], 31. Oktober 1656 Der Brief, den Stöger jüngst an den Richter geschrieben hat, kam auch Stephani vor Augen. Darin fordert Stöger, sollte er gegen seinen Willen doch noch länger in Wertach bleiben müssen, ein bestimmtes Medikament für sich. Stephani ließ das Mittel sofort bei Apotheker Winkler besorgen. Stephani beteuert, nicht schuld zu sein, dass Stöger immer noch nicht nach Stams zurückberufen wurde. Er rät ihm, sich mit einem Brief direkt an Abt Gemelich zu wenden. Ad patrem nostrum Martinum Steger Wertacensemplebem adhuc curantem, 31. Octobris anno 1656. Reverende in Christo pater, religiose et amande confrater

(1) Ex litteris reverentiae vestrae nuperrime ad iudicem nostrum perscriptis mihique ab eo ad legendum communicatis intellexi desiderare reverentiam vestram, si moram adhuc aliquanto tempore Wertachii trahere cogeretur, evacuando corpori pharmacum aliquod, utique ne alias purgatione et phlebotomia diutius solito dilatis aut intermissis sanitatis sibi dispendium accerseret. (2) Nolens igitur in mora esse mox apud pharmacopaeum Winklerum pillu

-- F133v --

las conduxi, quibus reverentia vestra antehac verno et autumnali tempore uti consueverat, quas et impraesentiarum transmitto.

(3) Ceterum quod reverentia vestra in voto suo nondum sit exaudita, dum liberari a suo onere et ad gremium matris redire iam dudum expetiit, per me sane non stetit, utpote cuius potestas eo se non extendit, ut contra abbatis [ERROR: no reftable :] abbatis] Gemeint ist Abt Bernhard Gemelich. arbitrium quidquam ausim disponere. (4) Alioquin quidni mallem sacerdotes nostros domi quam foris versari? (5) Deinde persuasissimum mihi est, si reverentia vestra allegato senio suo et praetensis septem iam mensium laboribus, quos exantlavit, licentiam domum remigrandi directe et categorice peteret, vix fore a reverendissimo nostro denegandam, quidquid deinde fieret de ingratis Wertacensibus.