326. Stephani an Kooperator Augustinus Haas in Mais Stams, 17. Oktober 1656 Stephani bedankt sich für Haas’ Brief, wenn er auch nicht auf Latein verfasst war, und für die Kastanien. In Stams wird man heuer wieder keine Nüsse ernten können. Dass Haas nach Stams zurückgerufen wird, um theologische Studien betreiben zu können, ist für ihn sicherlich ein Gewinn. Vor seiner Rückkehr soll er sich jedoch noch um Gewand kümmern. Durch die Einkleidung von vier Konversen ist Stephani in arge finanzielle Not gekommen. Ad reverendum patrem Augustinum Haas in Mais cooperantem, 17. Octobris 1656. Reverende in Christo, religiose et amande confrater

(1) Litteras reverentiae vestrae non idiomati meo respondentes, sed vernacula scriptas nudiustertius rite obtinui, quibuscum ovorum exclusor etiam castaneas praesentavit turbae fratrum praecipue diebus esurialibus pro collatione servituras, quando pomorum vix quidquam adest, quod apponi posset. (2) A nucibus pomerium nostrum altero iam autumno sterile fuit praematuris pruinis fructum in flore extinguentibus.

(3) Domum nostram revocari reverentiam vestram gratulor, si privatum reverentiae vestrae emolumentum spectem non ignorans oppido eidem profuturum, si theologicis studiis ingenium probe excoluerit, sin parochiam nostram Maisensem respiciam, doleo tam celebri vineae operarios subduci. (4) Verum quia sublimioribus potestatibus resistere non licet, libenter iudicium meum captivabo ac provisionem eiusdem ecclesiae (quae certe monasterio nostro idem est, quod gemma annulo, quod oculo pupilla) reverendissimo nostro[ERROR: no reftable :] reverendissimo nostro] Gemeint ist Abt Bernhard Gemelich. relinquam.

(5) Unum est, quod reverentiam vestram ante reditum suum curare percuperem, videlicet ut de tunicis ac materie pro cuculla sibi ipsi providerat, dum adhuc media

-- F131v --

ad manum habet. (6) Mihi nam hoc anno praeter solitum graves expensae incumbunt, inter quas non in postremis numero, quod proxime quattuor conversos nostros colore pruno vel castaneo vestire debeam, quae quidem habitus transmutatio tam pro nunc quam deinceps non exiguos sumptus causabit. (7) Atque hisce pauculis nunc reverentiam vestram eminus saluto, quam brevi comminus apparituram intelligo.