(1) Postridie, quam tumulo Magnum Spaiser intulimus, male habere coepit in conventu pater Bartholomaeus noster[ERROR: no reftable :] pater ... noster] Gemeint ist Pater Bartholomäus Hol. dolorem capitis questus

et stomachi ex diffuso felle amaricationem, ad quam fastidium omnis cibi ac ipsius etiam vini consecutum est. (2) Aliquot dies tenuit haec infirmitas, cum aeger medicum scripto consuluit, a quo varia in remedium ordinata accepit. (3) Biduo autem post ego eundem personaliter accersiri curavi, ex cuius iudicio et assertione didici febri continua seu maligna laborare infirmum, cui depellendae diversa pharmaca praescripsit, quorum usum aegrotus etiamnum continuat interdicto sibi penitus vino et duabus venis in bracchio et sub lingua incisis. (4) Est modo in statu convalescentiae, viribus tamen membrorum adhuc admodum debilis.