323. Stephani an Abt Bernhard Gemelich in Mais [Stams], 30. September 1656 Den Brief, den Stephani diesem beigelegt hat, hat er zunächst dem Pater Kellner übergeben, damit er ihn nach Mais schicke. Dann aber hat er ihn auf Anraten des Richters geöffnet, da der erkannte, dass der Brief von der Kammer komme und eventuell dringende Geschäfte des Haller Salzamtes enthalte. Die zwei nach Brixen geschickten Brüder sind völlig vom Regen durchnässt zurückgekehrt. Nur bei Bruder Leopold [Gassler] gab es Probleme, weil er das vorgeschriebene Wartejahr nicht abgewartet hatte. Pater Martin Stöger beschwerte sich in einem Brief aus Wertach, dass ihm nicht mehr geantwortet werde. Man wolle ihn wohl im Exil sterben lassen. Bruder Theoderich [von Preisach] kocht vor Wut, weil er nicht mit den anderen Brüdern nach Brixen geschickt wurde, und bittet um Versetzung in ein anderes Kloster. Ad reverendissimum dominum abbatem nostrum in vindemiis constitutum, 30. Septembris 1656. Demissam salutem ac prosperitatem praesentem et futuram Reverendissime in Christo pater, observandissime domine domine

(1) Quas hisce meis acclusas impraesentiarum submitto, propridie sancti archangeli Michaelis,[ERROR: no reftable :] sancti ... Michaelis] 29. September. dum ad prandium accumberem, accepi easque omnino intactas mox patri cellario remisi, ut proxime ad reverendissimam pietatem vestram easdem dirigeret. (2) Postmodum vero illas, quas a camera emanatas

-- F127r --

e triplici sigillo agnovimus, de consilio et suasu iudicis reseravi existimantis subesse forsitan posse aliquod in mora periculum, quod contineri in iis quidpiam crederet super inhibitorio, quod Halae circa erogationem salis noviter impositum intelleximus.

(3) Duo fratres nostri Brixinam nuper directi eiusdem diei Martis, quo reverendissima pietas vestra abierat, sero vespere remearunt sub tempus completorii in itinere, ut aiebant, multum retardati a pluviis, quibus biduo non obiter tantum tincti, sed ad cutem usque insigniter perluti sunt. (4) Ordinibus, quos expetebant, uterque sunt initiati, frater Leopoldus[ERROR: no reftable :] Leopoldus] Gemeint ist Bruder Leopold Gassler. tamen non absque difficultate, eo quod de recepto antehac subdiaconatu suo formatas non exhibuisset et insuper annuum interstitium non servasset.

(5) Hesterna litteras accepi a patre Martino nostro[ERROR: no reftable :] patre ... nostro] Gemeint ist Pater Martin Stöger, der derzeit Vikar in Wertach ist. ex Wertach, qui plurimum turbatur et tentatur, quod ad trinas suas epistulas a reverendissima pietate vestra responsum nullum obtineat, in eam ferme persuasionem sese abripi passus, quasi ipsius persona taedio nobis esset ac studio foris relinqueretur, ut in exilio diem clauderet. (6) Ei proxima posta scribam et huiusmodi tentationis scrupum eximere conabor.

(7) Frater Theodoricus[ERROR: no reftable :] Theodericus] Gemeint ist Bruder Theodor von Preisach. noster in sua protervia perstans, quod ad ordines cum aliis fratribus nuperrime missus non fuerit, adhuc adeo non decoxit, ut nudiustertius peracta cena me conveniens palam et sine verecundia edixerit se in monasterio amplius permanere non posse, sed fugam initurum, quod vereatur se aut numquam aut lente nimium ad sanctos ordines promotum iri, cum interim animum ad studia ulterius prosequenda iam deposuerit. (8) Quem quidem ob tam perversum propositum acriter redargui et ad meliora consilia reducere connisus fui, verum licet modo conquiescere, extrinsecus saltem, videatur, quid tamen adhuc in futurum forsan instigante sathana sit tentaturus, soli illi notum, qui iudicat renes et corda. (8) Deus reverendissimam pietatem vestram diutissime incolumem velit ac servet. Dedi ultimo Septembris seu festo divi Hieronymi die 1656.