Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
(1) Si terra Athesina ea aeris clementia et serenitate hactenus gavisa est, qua
nostra tellus toto elapso mense Septembri viguit atque nunc etiam ipso autumnali
tempore continuo vegetatur, dubii non erimus, quin reverendissima pietas vestra pro
se filiisque vindemiam uberem ac praepinguem propediem sit consecuta. (2) Apud nos
certe ea adhuc tempestatis aequabilitas et quasi malacia est, ut nemo fere sit, qui
non miretur quique siderum conditorem non collaudet. (3) Uvas in horto nostro
conventuali (quarum magnam partem iam dudum deglubere coepimus) omnes hoc anno solis
temperie maturandas atque adeo parum de agrestis superfuturum speramus.
Stephani, Benedikt; 1613–1672 (1613–1672) [1640], Copiae Litterarum ad diversos ab anno Christi 1640, versio electronica (), 272 folia, Ed. Schaffenrath, Florian [word count] [stephani-b-copiae].
|